Fjala e kuajve
Na mbeti nami
Turpi na mbeti
Na mbeti faji
I bërë nga tjetri.
Nga tjetri dinak
U bëmë viktimë
Nga barku plot gjak
Gjakosëm njerzinë.
Rrënuam një Trojë
Kuptoni, o kuaj?
Dhe mbetëm simbol
I dinakërisë së huaj.
S’na ndahet tani
Dhe të duam ne
Mbi vithet na rri
Dinaku Odise.
O Zot, si durojmë
Mbi vithet tona
Odisetë që vazhdojnë
Të përmbysin Troja!
16 nëntor 2010
Δεν υπάρχουν σχόλια:
Δημοσίευση σχολίου