Endrrës rinore

Endrrës rinore



Kur nata shtrihet
Në trupin e tokës
Nga gjumi ngrihet
Endërrimi joshës.


Më vjen pa trokitur
Pa ftuar më hyn
Më sjell papritur
Nga qielli një yll.


Largohet nata
Nga drita yjore
Më vjen shtojzavallja
E ëndrrës rinore.


Unë natës i them
“Të lutem mos ik

I skuqur jam krejt

Ndaj skuqjen ma fshih”.

Nuk di ç’po më ndodh

Në shpirt e në trup

I zgjuar s’guxoj

S’guxoj as në gjum’.