Origjinaliteti im
Më kot kërkova
Natyrës ngjashmëri
Vetveten mundova
Në çdo krahasim.
U mata me valën
Me shkëmbin u mata
Me yjet natën
Apo retë e bardha.
Me kafshët e egra
Të butat kafshë
Me dimra e vjeshta
Saharën e thatë.
Pastaj udhëtova
Në kohë lashtësie
Herë princ u ndrova
Herë Zot gjithësie.
E kotë, nuk gjeta
Ngjashmëri me asnjë
Ndaj Mondi të erdha
Kështu dhe gjithnjë.
Δεν υπάρχουν σχόλια:
Δημοσίευση σχολίου