Kjo shtrigë!
I ngjeshem vetes
Më tej s'më nxe
Nga erdhi teprica, s'e di.
Jashtbrenda mbetem
Ç'të mbaj, ç'të le
Në mes? S'dua gjysëm njeri!
M'u ngjesh vetja
Më tej hapësirë
Ç'është kjo tepricë boshe?
Kur linda eca
Me veten i lirë
Tani rri strukur në qoshe.
Tepricën e flaka
Në shtrigë u kthye
Veten ma ndjek për ta vrarë.
Larg botës ika
Diku mes yjesh
Sa kohë kjo shtrig' të jet' gjallë!
Δεν υπάρχουν σχόλια:
Δημοσίευση σχολίου